Ouvèrturr d'ùnn pisinn deûlang a Seint Briss
La qomùnaote d’qomùnn du péyiz d'Qoy ouvri ô mouèz d’mae pâse son sentr d’esport e d’delâsrî den l’iao a Seint Briss : basin d’esport, hamam, jaqouzi, patouyrî, ravigotrî… Ùnn trentenn dë panqartt deûlang avein te pôzée. L’franséez e l’galo son trete d’la mèm fason : lé qaraqterr son d’la mèm sortt e d’la mèm tây. Ùnn qouleurr a te chouézî pour châq lang pour aide a lirr den l’ùnn ou l’aotr. Vla d’qae vrae nouviao pourr lë galo.
L’aji-si, s’ée l’benefiss d’un travây fèt d’souètie entrr la qomùnaote d’qomùnn, la Granjagoul e pée Chubri. Pourr sa, l’eqhip dë Chubri fu rasére en 2010 den l’péyiz d’Qoy en liézon do la Granjagoul pourr mieû qnéett lë parlement d'la qontrée. E pée aprêe, l’institu trlati lé tèrm pourr lé panqartt en tnant qontt lë pu posiblh du qae rasére.
[ www.coglais.com]
<17-6-2011/6-9-2011>
Fotô Thomas Crabot e Bèrtran Ôbrée
